Боловсролын газар
24 ДҮГЭЭР ЦЭЦЭРЛЭГИЙН ТОВЧ ТАНИЛЦУУЛГА
2014-09-17 |

      ОРХОН АЙМГИЙН 24 ДҮГЭЭР ЦЭЦЭРЛЭГИЙН

ТОВЧ ТАНИЛЦУУЛГА
 
 
    Монгол улсын Боловсролын тухай хуулийн 30 дугаар зүйлийн 30.1.3, 21 дүгээр зүйлийн 21.1 дэх заалтыг үндэслэн Орхон аймгийн Засаг даргын 2011 оны 10 дугаар сарын 14 ний өдрийн №428 тоот захирамжаар Орхон аймгийн Баян-өндөр сумын Баянцагаан багт  140 хүүхдийн хүчин чадал бүхий 24 дүгээр цэцэрлэгийг байгуулах шийдвэр гарсан.
Орхон аймгийн Баян-өндөр сумын Засаг даргын 2011 оны 09 дүгээр сарын 28 ний өдрийн  №1097 тоот захирамжаар Жадамбын Даваасүрэн тус цэцэрлэгийн эрхлэгчээр томилогдон ажиллаж байна. 
  Орхон аймгийн 24 дүгээр цэцэрлэгийн эрхлэгчийн 2011 оны 11 дүгээр сарын 22 ний өдрийн №06 тоот тушаалаар багш ажиллагсадтай хөдөлмөрийн гэрээ байгуулан 25 хүний бүрэлдэхүүнтэй, 6 бүлэгт 140 хүүхэд хүлээн авах хүчин чадалтайгаар үйл ажиллагаагаа явуулж эхэлсэн.
  Орхон аймгийн 24 дүгээр цэцэрлэгийн эрхлэгчийн 2012 оны 01 дүгээр сарын 16 ны өдрийн №07 тоот тушаалаар ажиллах орон тоог нэмэгдүүлж 31 хүний бүрэлдэхүүнтэй, 8 бүлэгт 200  хүүхэд хүлээн авах хүчин чадалтайгаар ажиллаж байна.
Цэцэрлэгийн  боловсон хүчний хувьд эрхлэгч, арга зүйч, нягтлан бодогч -0.5, эмч, нярав, хөгжмийн багш, бүлгийн багш-8, туслах багш-8 , бусад үйлчилгээний ажиллагсадаас бүрдсэн хамт олон бага насны хүүхдэд СӨБ олгож байна.
2012 оны 01 дүгээр сард шинээр 2 бүлэг нээгдэж , 31 хүний бүрэлдэхүүнтэй, 8-н бүлэгт 200  хүүхэд хүлээн авах хүчин чадалтайгаар өргөжин тэлж   бүрэн хүчин чадлаараа ажиллаж эхэллээ. 
Багш нарын 55 % нь бакалаврын зэрэгтэй, 44 % нь дипломын боловсролтой. Багийн хэмжээнд сургуулийн өмнөх насны 330 аад хүүхэд бүртгэгдсэнээс тус цэцэрлэгт 227 хүүхэд, бусад цэцэрлэгт 70 орчим хүүхэд  сурч хүмүүжин хамран сургах тойргийн хүүхдийн СӨБ-д  хамрагдалт 90 орчим хувьтай  байна.
Бид энэ хичээлийн жилд даам, зураг урлан, сэтгэхүй хөгжүүлэх, уран уншлагын, дуу, бүжиг, хөгжим 7 төрлийн дугуйланд нийт хүүхдийн 78%-ийг хамруулан хүүхдийн авьяас,чадварыг хөгжүүлэн ажиллаж байна. 
“Эко орчин” гар зургийн уралдаанд бэлтгэл бүлгийн Д.Мөнхцэцэг-ийн зурсан “Хөдөө нутаг” сэдэвт бүтээл аймгийн хэмжээнд  2-р байранд шалгарч улсын уралдаанд бүтээл нь тавигдлаа.
Мөн хөгжмийн багш Г.Наранцэцэг-ийн зохион байгуулсан “Зугаалга” үйл ажиллагааны цахим бичлэг аймгийн “Ур чадвар”-ын уралдаанд  амжилттай оролцон тусгай байранд шалгарсан амжилтыг үзүүллээ. 
Орхон аймгийн “Урчуудын эвлэл”-ээс зохион байгуулсан “Миний Монгол орон” гар зургийн уралдаанд бэлтгэл бүлгийн А.Булганай 1-р байр, Б.Тэнгэр 3-р байранд шалгарч бүтээлүүд нь улсын уралдаанд тавигдлаа.
Аймгийн хэмжээнд багш ажиллагсадын дунд зохион байгуулагдсан сургалт семинар, үзүүлэх ажил, уралдаан тэмцээнд баг хамт олноо тухай бүрд нь идэвхтэй сайн хамруулан оролцуулж байна.
2011-2012 оны хичээлийн жилд  аймаг орон нутаг БСШУЯ-ны хөрөнгө оруулалтаар бүлэг бүрт тоглоом, хүүхдийн хувцасны шкаф, ширээ, сандал,гал тогооны цахилгаан хэрэгсэлүүд, цагаан хэрэглэл, аяга таваг, хөнжил гудас зэрэг 70-аад сая төгрөгний хөрөнгө оруулалт хийгдсэн бөгөөд мөн 2012-2013 оны хичээлийн жилд “ Тогтвортой амьжиргаа-II “ төслөөр  5,200,00₮ -ний хөрөнгө оруулалт хийгдсэн. Үүнд: бүлэг бүрт аяга таваг ариутган шарагч, компьютер, канон, принтер, проектор зэрэг сургалтын техник хэрэгсэлүүд, орон нутгийн хөрөнгөөр  13 сая төгрөгний өртөг бүхий хивс дрож нийлүүлэгдэн багш ажиллагсад өөрсдийн нөөц боломжоороо анги бүлэг, өрөө тасалгаагаа тохижуулан тохижилтын ажил хийн үйл ажиллагаагаа тогтмол явуулж байна.
2012-2013 оны хичээлийн жилд тус цэцэрлэгийн 8 бүлэгт 230 орчим хүүхэд багачууд суралцан бэлтгэл бүлгийг 54 хүүхэд төгслөө.
Мөн манай цэцэрлэгийн хамт олон Орхон аймгийн  БГ, ДЗОУБ-тай хамтран зорилтот бүлгийн цэцэрлэгүүдийн дунд  зохион байгуулсан “Хүүхдэд ээлтэй цэцэрлэг” аянд амжилттай оролцон 2-р байрт шалгарч батламж, 1,700,000 төгрөгний үнэ бүхий ном худалдан авах эрхээр шагнагдлаа.
Бид өөрсдийн бүтээлч үйл ажиллагаагаараа байгууллагаа тохижуулан, хүүхэд сурч хөгжих таатай орчинг бүрдүүлэн, хүүхэд нэг бүрийг хөгжүүлэн ажиллаж байна.
 

 

Сэтгэгдэл

Таны нэр:
Сэтгэгдэл:
Баталгаажуулах код:
Энд сэтгэгдэл байхгүй!

Бидний тухай

Фото мэдээлэл

Сүүлд нэмэгдсэн

ЭЕШ-2019 д Орхон аймгаас 8 сурагч 800 оноо авч нийслэлийн дараа орлоо...
Улаанбаатар хотоос 67, Орхон аймгаас 8, Говь-Алтай аймгаас  5,  Өвөрхангай аймгаас...
Дэлгэрэнгүй»
"Бичиг үсгийн баяр-2019"
"Бичиг үсгийн баяр-2019"
Дэлгэрэнгүй»
2019-2020 оны хичээлийн жилд шинээр элсэн суралцах суралцагчийн бүртгэл зохион байгуулах тухай
2019-2020 оны хичээлийн жилд Ерөнхий боловсролын сургуулийн нэгдүгээр ангид 2013 оны 01 сарын 01-нээс 2013 оны 12 дугаар сарын 31-ны өдөр хүртэл төрсөн ...
Дэлгэрэнгүй»
"Бизнесийн гараа" үзэсгэлэн худалдаа
Бүтээлч хүүхдүүдийн “Бизнесийн гараа” үзэсгэлэнгээс нийт 13.9 сая төгрөгийн худалдан авалт хийжээ
Дэлгэрэнгүй»
ЭЕШ-2019 МЭДЭЭ
Орхон аймгийн Монгол хэл бичгийн шалгалтанд нийт 678 сурагч бүртгүүлсэнээс  54 сурагч ирээгүй ба шалтгалтын явцад зөрчил асуудал гараагүй амжилттай ...
Дэлгэрэнгүй»
Илүү>>