|
.png) ”Эрдэнэт” цогцолбор сургууль .png)
1974-1975 оны хичээлийн жилд Булган аймгийн Эрдэнэт хорооны 8 жилийн сургууль нэртэйгээр анх байгуулагдан захирлаар нь МУ-ын Гавьяат багш С.Цэндсүрэн, хичээлийн эрхлэгчээр нь Д.Жамбал нар томилогдон ажиллаж байсан.
1976-2002 онуудад Эрдэнэт хот, Орхон аймгийн 10 жилийн 1-р сургууль нэртэйгээр үйл ажиллагаа явуулсан. Энэ хугацаанд МУ-ын Гавьяат багш С.Цэндсүрэн, н.Дорж, Г.Буяндэлгэр, МУ-ын Соёлын гавьяат зүтгэлтэн Д.Дашдондов, Д.Жамбал, Ц.Батсайхан, МУ-ын Гавьяат багш Л.Төмөрчөдөр нар захирлаар ажилласан.
2002-2011 онуудад БХХ-ийн хүрээнд Орхон аймгийн ерөнхий боловсролын 1, 8, 9, 12-р сургуулиуд нэгдэн “Эрдэнэт” цогцолбор сургууль болж, өргөжин хөгжсөн. Цогцолбор сургуулийн захирлаар нь Д.Энхтуяа, Д.Дэлгэрмаа, О.Отгонбаяр нар томилогдон ажиллаж байсан.
2011-2012 оны хичээлийн жилд 8-р сургууль нь үндэсний лаборатори сургууль болж тусдаа гарсан.
2013-2014 оны хичээлийн жилд 9-р бага сургуулийн барилгыг цэцэрлэгт шилжүүлэн өгч, тус сургуульд ажиллаж, сурч байсан багш, сурагчдыг 1, 12-р сургуулиуд руу нэгтгэсэн.
Дээрх бүтэц, зохион байгуулалтын өөрчлөлтүүд хийгдсэнээр “Эрдэнэт” цогцолбор сургууль нь 1-р дунд сургууль, 12-р бага сургуулийн цогцолбор хэлбэрээр үйл ажиллагаа явуулах болсон. 2013-2014 оны хичээлийн жилд 2100 гаруй суралцагч, 100-аад багш, 50 гаруй ажилтантайгаар үйл ажиллагаа явуулж байна. Нийт багш нарын 79,2% нь мэргэжлийн зэрэгтэй, Боловсролын тэргүүний ажилтан багш 28 ажилладаг.
Сургуулийн онцлог:
“Эрдэнэт” цогцолборын 1-р сургууль нь 1987-2013 оныг хүртэл 27 жил математикийн, 2004 оноос англи хэлний гүнзгийрүүлсэн сургалттай бүлэг хичээллүүлж, өсвөр үеийн оюуны боловсролд үнэтэй хувь нэмэр оруулсан ба энэ хичээлийн жилд СЭЗДС-тай хамтран ажиллах гэрээ байгуулан Лицей анги хичээллүүлж байна.
БИДНИЙ АМЖИЛТ
/Сүүлийн 10 жилээр/
2002 онд БСШУЯ-ны “Хүндэт өргөмжлөл”
2005 онд аймгийн “Оны тэргүүний сургууль”
2006 онд улсын “Шилдэг менежменттэй ТОП-20” сургуулийн нэг
2006 оны цогцолборын бага сургуулиуд МУ-ын ЕБ-ын “ОНЫ ТЭРГҮҮНИЙ СУРГУУЛЬ”
2006 онд аймгийн “Хүүхдэд ээлтэй сургууль”
2007 онд аймгийн “Эрүүл мэндийг дэмжигч сургууль” 3-р зэрэглэл
2008 онд аймгийн “Гэмт хэрэг, хэв журмын зөрчилгүй хамт олон”
2010 онд аймгийн “Биеийн тамир спортыг дэмжигч сургууль”
2011 онд аймгийн анхны “Цахим сургууль”
2011 онд аймгийн математикийн масс сургалттай “ШИЛДЭГ СУРГУУЛЬ”
2013 онд аймгийн “Эрүүл мэндийг дэмжигч сургууль” 1-р зэрэглэлийн болзол хангасан.
Биологийн багш Ж.Баасанжав 2005 онд, физикийн багш Б.Цээсүрэн, 2010 онд тус тус МУ-ын “Гавьяат багш” цол хүртсэн.
Холбоо барих утас: 99058724, 70350313
Хаяг: Эрдэнэт, Орхон аймаг, Уурхайчдын гудамж-1,
|
